Ekskluzive me Zonjën e Parë të Kuvendit të Shqipërisë, Jozefina Topalli

JETA E DAMËS SË PARLAMENTIT SHQIPTAR

Përpiqu të lexosh përtej saj, sepse është një jetë e tërë që flet. A më lexon dot? Kapërceje faqen e parë, dukjen, sepse gratë shqiptare bukurinë e kanë te shpirti.

Ndonjëherë modelet i kërkojmë shumë larg, në vende që s’i kemi parë kurrë, apo në kohë që s’i kemi jetuar. Ndërsa aq pranë nesh, në kohën tonë, në vendin tonë, kemi një model të cilin çdo grua e kujton si një dorë që rreket t’i mbajë pezull ndonjë pikë loti të trishtuar pa rënë në tokë, apo si një zonjë që di të përcjellë përmes punës vullnetit, këmbënguljes dhe sfida të kapërcyeshme. Para disa muajsh, u gjenda në Shkodër, në prezantimin e një libri me kujtime burgu, që botohej nën kujdesin e Jozefina Topallit. Ejëll Çoba, autori i librit, nuk jetonte më, por mbesa e tij, Jozefina ishte kujdesur që kujtimet të botoheshin. Dhe jo vetëm kaq. Njoha tërë familjen Topalli që mbartte copëza të atyre mbresave të hershme që vetë Jozefina kishte përjetuar. Pashë një vajzë që lexonte pjesë nga libri dhe emocionohej. Ishte Megi, vajza e Jozefinës. Pashë djalin, Genarin me vështrimin e ngulmët dhe serioz të së ëmës, në krah të të atit, bashkëshortit të Jozefinës, ndiqte me merak mamin e tij...

Speciale: Intervistë me

Dr. Sulejman Çelajn,

mjek në Amerikë

ÇELAJ I GJAKOVËS, KARDIOLOG NË ZË

I NJU-JORKUT

Dr. Sulejman Çelaj (42), kardiolog, asistent profesor në Fakultetin e Mjekësisë “Albert Ajnshtajn”, drejtor i Departamentit të intervenimeve dhe kateterizimeve kardiovaskulare në spitalin “S’t Barnabas” dhe kardiolog ne spitalin “Montefjore” të Nju-Jorkut, flet për lexuesit e revistës TEUTA, për ecjet e tij të suksesshme që nga vendlindja në Gjakovë, studimet e mjekësisë në Rumani, specializimet në SHBA, qasjet e tij shkencore lidhur me zemrën, si dhe për familjen, për bashkatdhetarët dhe ecjet e fatit të popullit tonë, të Kosovës në veçanti, për të cilën është i lidhur aq shumë, siç thotë – “Edhe pse fizikisht ndodhem shumë larg, në çdo moment jetoj me të…”  Vitin e kaluar në programin shqip të RTV-së të Nju-Jorkut, “Albanian Culture”, do ta ndjek një reportazh, i cili më bëri përshtypje. Në njërën nga sallat e Spitalit Universitar të Fakultetit të Mjekësisë “Albert Ajnshtajn” të Nju-Jorkut, mbahej një ligjëratë nga Dr. Sulejman Çelaj në gjuhën shqipe, e ndjekur me shumë interesim dhe e stërmbushur me mërgimtarë. E paorganizuar ndonjë herë...