Ti je ketu: Ballina > Aktuale > Violinisti nga Kosova, personalitet me klas i Filharmonisë së Vjenës!
Violinisti nga Kosova, personalitet me klas i Filharmonisë së Vjenës!

Koncertet klasike janë të shumta dhe të njohura në botë, ndonëse, asnjëri prej tyre nuk pasqyrohet në medie aq sa koncerti tradicional i kryeqytetit austriak. Padyshim, edhe këtë vit, madhështia e ditës së parë të janarit dhe fillimvitit 2023 ishte performanca artistike e interpretuesve profesionist të Orkestrës së Filharmonisë së Vjenës, të cilët pushtuan shikuesit e televizionit në mbarë botën. 16 kamera të televizionit austriak ndoqën çdo lëvizje në sallën operistike “Golden Hall” të dekoruar nga 30.000 lule, ndërkaq, sinjalin e transmetimit direkt nga Vjena, përmes Unionit Evropian e transmetuan 90 televizione shtetërore anembanë botës.

Në mesin e artistëve të shquar të orkestrës elitare, me një elegancë të jashtëzakonshme u veçua kosovari simpatik, violinisti i interpretimeve mbresëlënëse, Shkëlzen Doli, artisti i sofistikuar, absolutisht legjendar, personalitet me klas dhe tejet frymëzues, për breza të tërë vendor dhe ndërkombëtar, shqiptari i parë në botë, i nderuar me titullin ‘Dekoratë nderi për merita në shërbim të Republikës së Austrisë’ nga presidenti i Austrisë Dr.Alexander Van der Bellen, rrugëtimi i të cilit në evenimentin më të madh të muzikës klasike, si pjesë e Orkestrës Filharmonike të Vjenës filloi në vitin 1995.

Filharmonia e Vjenës u themelua në vitin 1842 dhe është një nga orkestrat klasike më të respektuara në mbarë globin.

© REVISTA TEUTA. Të gjitha të drejtat janë të rezervuara.

 

Lexuar 3671 herë.
#RevistaTEUTA

 

Ju gjithashtu mund të jeni të interesuar në..

 

 

Revista TEUTA
Teuta Magazine

Revistë Moderne për Gruan Dhe Familjen
"Revista TEUTA"
Prishtinë, Kosovë

 

 

Të gjitha të drejtat e portalit www. revistateuta.com janë të rezervuara.
Asnjë material, nuk mund të shfrytëzohet, kopjohet, riprodhohet, publikohet në asnjë mënyrë nga ndonjë portal apo ndonjë medium tjeter pa leje të shkruar nga TEUTA.
Të gjithë shkelësit e këtyre të drejtave do të ballafaqohen me ligjin. COPYRIGHT TEUTA
Kontakt: info@revistateuta.com  www.revistateuta.com
Prishtinë, Kosovë
 

Mobile Version | Desktop Version