Ti je ketu: Ballina > > Zara fillon shitjet online në Kosovë
Zara fillon shitjet online në Kosovë
Zara fillon sot shitjet online në Kosovë, duke shënuar një hap të rëndësishëm në zgjerimin e qëndrueshëm të dyqaneve të integruara dhe modelit online, në tregjet ku operon Grupi Inditex. Zara.com/xk do t’i ofrojë blerësve nga Kosova, të gjithë koleksionet e plota për femra, meshkuj dhe fëmijë që gjenden në dyqanet Zara në Kosovë, duke filluar nga Koleksioni Pranverë 2020.
Publikuar 19.2.202012:14

Zara fillon shitjet online në Kosovë

 

Me opsionet e gjuhës në Shqip dhe Anglisht, Zara.com/xk është ndërtuar për të ofruar një eksperiencë të thjeshtë blerjesh online. Ideja është që klientët të mund të ndërveprojnë me markën duke kërkuar në mënyrë intuitive mes kategorive dhe seksioneve të ndryshme të produkteve.
Faqja web është e konfiguruar për të mundësuar blerjet online nga çdo pajisje telefoni dhe nga çdo shfletues interneti i disponueshëm në tregjet ku Zara ka prezencë online.
Gjatë shfletimit online, klientët do të drejtohen automatikisht tek seksioni më i fundit që kanë vizituar. Ata do të kenë mundësinë të kontrollojnë disponueshmërinë e artikujve në dyqan, si dhe të shohin produkte të rekomanduara. Gjithashtu klientët mund të përdorin platformën e shitjeve online përmes aplikacionit Zara për IOS ose Android.

Dërgesat dhe Shërbimi i Klientit

Me këtë model plotësisht të integruar, klientët që bëjnë blerje online mund të zgjedhin që artikujt e blerë t’u dërgohen në shtëpi ose t’i marrin në dyqan. Marrja e artikujve të porositur online nga dyqani është pa pagesë shtesë. Dërgesa standarde në shtëpi kushton 3,95 € dhe pa pagesë për vlera mbi 50 €.
Koha e parashikuar e dërgesave brenda vendit është 5-8 ditë pune. Për kthimet apo ndryshimet e artikujve, blerësit kanë mundësinë e kthimit të blerjeve online pranë dyqanit brenda 30 ditëve.
Klientët e Zara në Kosovë mund të përdorin të njëjtat kanale të shërbimit të klientit të disponueshme në tregun e tyre: një adresë të dedikuar e-mail dhe chat për të adresuar të gjitha paqartësitë apo pyetjet që lidhen me blerjet. Klientët gjithashtu mund të komunikojnë me Zara në rrjetet përkatëse sociale.

Rreth Zara

Pjesë e Inditex Grup, esenca e markës Zara është përmbledhja e atributeve që përcaktojnë edhe dyqanet e saj: bukuria, qartësia, funksionaliteti, qëndrueshmëria. E themeluar në Spanjë në 1975, koleksionet e saj tashmë tregtohen në platforma të integruara dyqanesh dhe online duke mbuluar më shumë se 200 tregje.
Gjithashtu, përveç Zara, Inditex zotëron marka të tjera si: Pull&Bear, Massimo Dutti, Bershka, Stradivarius, Oysho, Zara Home and Uterqüe, të gjitha me prezencë në treg. Aktualisht, Grupi ka një rrjet prej 7,486 dyqanesh në të gjithë botën. 

© REVISTA TEUTA. Të gjitha të drejtat janë të rezervuara.

#RevistaTEUTA

 

Ju gjithashtu mund të jeni të interesuar në..

 

 

Revista TEUTA
277

Revistë Moderne për Gruan Dhe Familjen
"Revista TEUTA"
Prishtinë, Kosovë

 

 

Të gjitha të drejtat e portalit www. revistateuta.com janë të rezervuara.
Asnjë material, nuk mund të shfrytëzohet, kopjohet, riprodhohet, publikohet në asnjë mënyrë nga ndonjë portal apo ndonjë medium tjeter pa leje të shkruar nga TEUTA.
Të gjithë shkelësit e këtyre të drejtave do të ballafaqohen me ligjin. COPYRIGHT TEUTA
Kontakt: info@revistateuta.com  www.revistateuta.com
Prishtinë, Kosovë
 

Mobile Version | Desktop Version